Niðurstöður Pisa

taflaogbekkurÍ dag voru kynntar  niðurstöður úr Pisakönnun 2012 og þar kemur m.a. fram að lesskilningi hjá íslenskum nemendum  fer aftur frá síðustu mælingu.

Strax rjúka til einstaklingar sem telja, að vegna þessarar niðurstöðu sé ljóst að skóli án aðgreiningar sé að misheppnast og aðrir  benda á að nú verði að breyta kennsluaðferðum, þær sem notaðar eru séu ekki nógu skilvirkar og henti ekki drengjum.

Mig langar ekki að fara í vörn fyrir skólana því ég tel eðlilegt að til þeirra séu gerðar miklar kröfur. En vil benda fólki á að það  gerir ekki nokkurt gagn að finna sökudólga eða brotalamir án þess að horfa á heildarmyndina.

Eins og hér er bent á  þarf samfélagið að gera átak í því að  ýta undir lestraráhuga, því skólinn hefur ekki áhrif nema að takmörkuðu leyti. Það er áhyggjuefni að  eitthvað  er að gerast í samfélaginu sem leiðir til þess að lesskilningur  minnkar hjá börnum. Bæði drengir og stúlkur mælast með minni lesskilning nú,  en drengir koma verr út en stúlkur.  Við því þarf að bregðast.

Ef okkur finnst mikilægt að þessi hæfni verði betri þarf  að komast að því hvað bætir hana. Ekki er ólíklegt að þörf  sé á  samstilltu átaki til að  auka áhuga barna á lestri. Skólinn og foreldrar þurfa að vinna saman að því. Ásakanir á skólana munu ekki bæta ástandið hjá nemendum,jafnvel  gera illt verra.  Illa grundaðar hugmyndir að skyndilausnum skila heldur engu.

Það er reyndar fleira en lesskilningur sem þarf  að skoða,  hér má lesa um helstu niðurstöður Pisa 

EK

Auglýsingar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s