Námskeiðið heiltæk forysta 2020 var ætlað fræðslustjórum eða öðrum stjórnendum skólamála í sveitarfélögum og skólastjórnendum.
Það var haldið skólaárið 2012-2013 og þátttakendur voru um 50 víðsvegar að á landinu. Námskeiðið var skipulagt af Menntavísindasviði Háskóla Íslands í samstarfi við Leadership for children & young people LCYP http://www.l4cyp.org/ .

Umsjónarmenn námskeiðsins og kennarar voru Anna Kristín Sigurðardóttir, Ólafur H Jóhannsson og Edda Kjartansdóttir.

Markmið námskeiðsins var að auka þekkingu stórnenda á hugmyndum um heiltæka forystu (e. system leadership) þar sem lög er áhersla á samfélagslegt hlutverk stjórnandans í þróunar og umbótastarfi. Hver skóli/ stofnun er öðrum háð og umbætur í einni styðja við umbætur í annarri. Því er það hlutverk leiðtogans að leiða saman aðila til að stuðla að betri menntun og lífsskilyrðum ungs fólks. Lögð er áhersla á samspil skólastefnu sveitarfélags og markmiða einstaka skóla.

Við lok námskeiðs var gert ráð fyrir að þátttakendur:
– Þekki til nýlegra rannsóknaniðurstaðna á þessu sviði og séu færir um að taka þátt í umræðu um þær.
– Geti stutt við og leitt árangursríkt þróunstarf sem leiðir til varanlegs ávinnings (e. sustainable leadership)
– Geti leitt samstarfsverkefni milli skóla / stofnana og þekki til ólíkara leiða í forystu.
– Séu reiðubúinir að taka að sér forystuhlutverk út fyrir eigin stofnun eða svæði.
– Hafi skilning á og hæfni til að leiða breytingar á sem styðja við heiltækra forystu og hæfni til að vinna með mótstöðu.

Hér verða verkefni þátttakenda námskeiðsins sett inn svo fólk geti kynnt sér afrakstur námskeiðsins.