Nú hefst nýr liður á Krítinni sem kallast „Við erum stolt af skólanum okkar“ Leikskólinn Mánagarður ríður á vaðið að eigin frumkvæði, en við köllum eftir pistlum frá starfsfólki skóla sem lýsir því hvers vegna þau eru stolt af skólanum sínum.
Leikskólinn Mánagarður er rekinn af Félagsstofnun Stúdenta og vinnur eftir uppeldisstefnu sem heitir High Scope og er eini leikskólinn á Íslandi sem hefur vottað leyfi til þess að starfa eftir þessari stefnu. Árið 2008-2009 fóru tveir starfsmenn leikskólans, Íris Dögg Jóhannesdóttir leikskólakennari og Herdís Stephensen leikskólaliði til USA til náms. Eftir ferðir þeirra út voru haldnir starfs- og námsskeiðsdagar til þess að kenna öðrum kennurum skólans. Vinnan við að innleiða stefnuna hefur verið þrotlaus og hafa kennarar skólans sýnt fram á með óbilandi þolinmæði, vinnu og trú á að allt sé hægt ef vilji er fyrir hendi. Vinnunni er hvergi nærri lokið og frá árinu 2008 hefur vinnan verið gífurleg og árangur sýnt sig með vinsælum, góðum og metnaðarfullum skóla með frábæru starfsfólki. Kennarar skólans sýna mikið frumkvæði, hugmyndarflug, staðfestu og hugarfarsbreytingu og temja sér ný vinnubrögð og orðræðu þar sem virkt nám, hvatning, stuðningur, virðing og jafnrétti er í fyrirrúmi. High Scope stefnan hefur breytt leikskólanum Mánagarði í metnaðarfullan skóla.
Krítin 