Kennari marsmánaðar

ernaKennari marsmánaðar er seint á ferðinni

Nafn

Ásdís Hallgrímsdóttir

Menntun

Leikskólakennari, grunnskólakennari, Dipl.Ed í uppeldis- og menntunarfræðum og Dipl. Ed í menntun tvítyngdra barna

Skólinn sem ég kenni við

Ölduselsskóli Reykjavík

Bekkur

2. bekkur

Síðasta símenntunarnámið sem ég sótti

Byrjendalæsi

 Hvaða þrjú atriði í kennsluháttum mínum hafa haft mest áhrif á árangur nemenda minna

Allir eru öðruvísi, enginn er eins

að reyna að gera okkur þannig

er ekki til neins.

Höf. Erna Sveins.

Þessi orð finnst mér eiga vel við þegar þegar talað er um það skólasamfélag sem við vinnum í í dag. Það samfélag er öðruvísi saman sett  en skólasamfélög voru fyrir nokkrum árum. Þessi breyting hefur kallað á breytt vinnulag innan kennslustofunnar. Ég á því láni að fagna að hafa gaman af  þessari breytingu og fagna þeirri áskorun sem er fólgin í þessari fjölbreyttu samsetningu nemendahópsins. Þegar ég ætla að nefna eitthvað þrennt sem mér finnst hafa virkað vel við að mæta  þessum fjölbreytileika langar mig til að nefna eftirfarandi.

Fyrst vil ég nefna kenningar Debbie Diller  sem ég kynntist í Houston fyrir nokkrum árum. Debbie er bæði reyndur kennari og mikill fræðimaður og hún og hennar hugmyndafræði um hagnýt vinnubrögð hafa haft mikil áhrif á mína kennsluhætti. Þetta er hagnýt vinnutilhögun þar sem innlögn er markviss og nemendur æfa síðan það sem þeir hafa lært í litlum blönduðum vinnuhópum. Þessi vinnubrögð falla vel að verkefnum Byrjendalæsis.

Síðan er það PALS  en það er lestrarþjálfunaraðferð sem byggir upp færni nemenda í lestri og lesskilningi með æfingum sem þeir vinna í 35 mínútur í senn, þrisvar sinnum í viku. PALS var þróað í Peabody Collage við Vanderbilt University í Tennessee-fylki í Bandaríkjunum. Nemendur vinna saman í pörum og aðstoða hvern annan eftir alveg ákveðnum reglum og nota stigakerfi sem hvatningu. Þessi lestrarþjálfunaraðferð er algjör snilld sem svínvirkar og hefur  rannsóknir á bak við sig sem sýna það. Það  gleður gamalt kennarahjarta að sjá allan nemendahópinn niðursokkinn í lestur, endursögn, að draga saman efnisgreinar, gera forspá og leiðrétta hvort annað. Aðferðin er þannig að mögulegt er að þjálfa alla nemendur árgangsins í einu. Þetta er eitt af því sem hefur aukið ánægju mína í kennslu og haft áhrif á árangur nemenda minna.

Fyrir þá nemendur sem þurfa aukastuðning í grunnfærni  lesturs þá hef ég notað námsefnið hennar Helgu Sigurjónsdóttur.

Síðast en ekki síst er það að „ stoppa í mínútu“ áður en gengið er til verka. það þarf ekki allt að vera flókið svo það virki. Það að stoppa í mínútu í byrjun hverrar kennslustundar er ótrúlega áhrifaríkt. Nemendur leggja allt frá sér og  „stoppa í mínútu“  það er mikil munur á vinnusemi og vinnufrið þegar kennslustund  byrjar á því að stoppa hugann. Hugmyndin er fengin frá fyrirlesara sem kom hingað frá USA á öskudagsráðstefnu.

Hverju er ég stoltust af í starfinu mínu

Undanfarin ár hef ég verið þátttakandi í að móta vinnuumhverfi og móta vinnulag sem við teljum að henti vel í skóla fjölbreytileikans. Við höfum lagt áherslu á samábyrgð kennara á öllum árganginum. Kennarar skipta með sér verkum þannig að allir nemendur fái sömu kennslu. þetta minnkar álag og streitu kennara, öryggisnet barnanna verður stærra og allur undirbúningur verður markviss og léttari. Ég er líka mjög ánægð með að hafa fengið að vera þátttakandi í að kynna PALS lestrarþjálfunaraðferðina sérstaklega þar sem ég er oft að fá fréttir af góðum árangri í þeim skólum þar sem PALS er notað.

Hvaða markmið set ég mér í þróun starfs míns

Mitt markmið er að vera vakandi fyrir nýjungum og auka þekkingu mína og færni.

Næsta verkefni er að prufukenna PALS í stærðfræði  það er spennandi áskorun sem ég er viss um að verður jafn spennandi og PALS lestrarþjálfunin.

Auglýsingar

One response to “Kennari marsmánaðar

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s