mjög áhugavert erindi um hvernig breyta má skólakerfum með því að læra af því sem kannanir eins og Pisa gefa  vísbendingar um. Þau gögn sem til verða í Pisa geta byggt undir mikilvægi þess  að breyta viðhorfum til náms og kennslu og huga betur að því í hvað fjármagnið til skólakerfisins  fer. Í þessu erindi virðist mér koma skýrt fram að mikilvægt er  að nemendur viti   til hvers er ætlast af þeim og hvað þeir þurfa að leggja á sig til að ná árangri, einnig virðist skipta máli að kennarar séu metnaðarfullir fyrir hönd allra nemenda og tilbúnir til að þróa starf sitt í samvinnu við aðra. Tími einyrkjans í kennslustofunni sem hafði það hlutverk koma þekkingu sinni yfir til nemenda og sortera síðan hafrana frá sauðunum með því að prófa hverjir höfðu meðtekið þá þekkingu, er liðinn.