Í fyrirlestri sínum um viskuna bendir Schwarts á að mikilvægt sé að fólk efli með sér  visku sína og dómgreind.  Schwarts er  ofarlega í huga mikilvægi þess að einstaklingar   vegi og meti hvernig þeir geta gert það sem er siðferðilega rétt miðað við þær aðstæður sem þeir eru staddir í.   Að mati Schwarts  hættir fólki sem  ætlað er að fylgja reglum  í blindni til að tapa innsæi sínu og dómgreind og breytist það  í einhverskonar leiksoppa sem upplifa sig áhrifalausa og efla ekki eigin dómgreind, innsæi og visku.